حقوق اللہ کا تقاضہ یہ ہے کہ ہر وقت اللہ کو یاد کیا جائے اور اگر نہ ہو سکے تو کم سے کم پانچ وقت تو ضرور ہی یاد کرنا چاہیئے۔ اور اگر اس پانچ وقت میں بھی ہم کسی اور چیز کو یاد کرتے ہیں تو ہمیں بندے کہلانے کا کو ئی حق نہیں۔ جس کے لئے سجدہ ریز ہیں سجدے میں اسی کا خیال نہیں تو ایسے سجدے سے کچھ حاصل نہیں۔
کیا ہم اپنے زندگی کی آزمائشوں میں کامیاب ہو پاتے ہیں؟ ۱۔ جب کسی کی غیبت اور چگلی کرنے اور الزام لگانے سے بچنے کی آزمائش ہو۔ ۲۔جب شکایت نہ کرنے اور صبر کا دامن تھام لینے کی آزمائش ہو۔ ۳۔جب حسد سے بچنے اور محبت پر ٹکنے کی آزمائش ہو۔ ۴۔جب جھوٹ سے بچنے اور سچے بنے رہنے کی آزمائش ہو۔ ۵۔جب غلاظت سے بچنے اور اپنے کام ، معاملات، جسم، ذہن اور جگہ کو صاف رکھنے کی آزمائش ہو۔ ۶۔جب عدل اور انصاف کر نے اور غیر جانبدار ہونے کی آزمائش ہو۔ ۷۔ جب علم حاصل کرنے اور غلط طریقہ اختیار کر نے سے بچنے کی آزمائش ہو۔ ۸۔ جب اپبی عقل کو علم کے راستے پر چلانے اور نفس پرستی سے بچنے کی آزمائش ہو۔
Comments
Post a Comment