ہر دل کی ایک بھوک ہوتی ہے۔شاید یہ بھوک اللہ نے انسان کے دل میں اپنی جگہ بنانے کے لئے رکھی ہے اور یہی وجہ ہے جب انسان ہر جگہ سے ٹھکرایا جاتا ہےتو پھر اللہ کے حضور رجوع کرتا ہےاور دائمی سکون حاصل کرتا ہے۔جب انسان کسی شخص یا چیز کو پسند کر بیٹھتا ہے تو ہر لمحہ اسی کے ساتھ رہنا پسند کرتا ہےجوکہ رہتی دنیا تک یہ ممکن نہیں ہے اور اسی لیے پریشان رہتا ہے۔ کوئی بھی چیز وقتی طور پر انسان کو دل کا سکون دے سکتی ہے اسکے بعد دوری اور بچینی میں اضافہ ہوتا ہے ا ور ہمیشہ پر سکون وہ لوگ رہتے ہیں جو اللہ سے لو لگاتے ہیں۔ جسے عشق حقیقی کہا جاتا ہے۔
کیا ہم اپنے زندگی کی آزمائشوں میں کامیاب ہو پاتے ہیں؟ ۱۔ جب کسی کی غیبت اور چگلی کرنے اور الزام لگانے سے بچنے کی آزمائش ہو۔ ۲۔جب شکایت نہ کرنے اور صبر کا دامن تھام لینے کی آزمائش ہو۔ ۳۔جب حسد سے بچنے اور محبت پر ٹکنے کی آزمائش ہو۔ ۴۔جب جھوٹ سے بچنے اور سچے بنے رہنے کی آزمائش ہو۔ ۵۔جب غلاظت سے بچنے اور اپنے کام ، معاملات، جسم، ذہن اور جگہ کو صاف رکھنے کی آزمائش ہو۔ ۶۔جب عدل اور انصاف کر نے اور غیر جانبدار ہونے کی آزمائش ہو۔ ۷۔ جب علم حاصل کرنے اور غلط طریقہ اختیار کر نے سے بچنے کی آزمائش ہو۔ ۸۔ جب اپبی عقل کو علم کے راستے پر چلانے اور نفس پرستی سے بچنے کی آزمائش ہو۔
Comments
Post a Comment